Berdevkê Wezareta Tenduristiyê ya Îranê, di daxuyaniya xwe ya ji bo Ajansa Nûçeyan a Farsê de ragihand ku hejmara qurbaniyên êrîşên DYE yên hewayî yên di du hefteyên dawî de li ser Îranê pêk anîne gihiştiye 55 kesan.

Rayedar, diyar kir ku di êrîşan de her wiha bi sedan kes birîndar bûne û tedawiya heşt ji wan li nexweşxaneyê berdewam dike.

Her wiha hat ragihandin ku, herî zêde qurbanî li eyaleta Xuzistanê ya li başûrê rojavayê welat hate tomar kirin.

Li pey Xuzistanê eyaletên Hurmuzgan û Sîstan û Balûçistanê yên li başûr hatin. Rayedaran ragihand ku piraniya mirinan li van her sê eyaletan çêbûne.

Hejmara mirî û birîndaran ku rayedarên Îranî ragihandine, hêj ji hêla çavkaniyên serbixwe ve nehatiye piştrastkirin.